YOU ARE MY HIDING PLACE

Kaganina ni attend ko ug holy mass. Unya after holy communion ingun ang pari nga manindog ming tanan abi nako para final blessing nato pero dili d-i aron d-i manganta sa song nga "YOU ARE MY HIDING PLACE". Sa tinuod lang kani nga song dugay na kaayo ni, ug dugay nasad ko nakadungog ani. Solemn man gud kaayo ni nga song mao nga wala sab ni nko ma appreciate,mas ganahan man gud ko ug lively. Gawas pa gyud ana kada naa patay nga ilubong dire sa menteryo sa Pardo magpatukar man ani nga song ang driver sa porlon nga gidalahan sa minatay. Para nako mingaw ug makaguol ni nga song ug dili nako type. Pero kaganina pa nako na appreciate ang kalawum sa kahulugan sa maong kanta.

You are my hiding place
You always filled my heart
In times of deliverance
Whenever i am afraid
I will trust in you
i will trust in you
Let the weak say
I am strong
In the strength
of my Lord
I will trust in you

(kung aduna koi problema ug dili ko mka express ni si bisan kinsa Siya (GOD) ang akong sumbunganan, ug tingali kung wala pa siya basin ug ni resort nalang ko sa pag-hikog tungod sa bug-at nga problema, He continues to be my hiding place, if i have nobody to run to, i run to HIM tungod kai kahibalo ko na iya kong i comfort with his love.)

Karon pako nakarealize nga indot d-i kaayo ang meaning ani nga kanta dili d-i ni kanta sa patay but song of life, joy and love.

TOUCHED BY AN ANGEL

Nanimba mi sa akong mga igsoon ato sa alas 5:00 sa buntag nga misa. Nilingkod mi sa ikatulong lingkuranan sa atubangan ug may managti-ayon nga nagdala sa ilang less than one year old nga baby. Ang inahan mao ang nag carry sa bata ug nitupad nako ug ang iyang bana ang gadala sa ilang butang. Na appreciate kaayo nako ang maong managti-ayon kai maski naa silay gamayng bata nisimba sila ug sayo. Ug sa akong tan-aw wla gyuy laing bata ato nga nisimba kato ra siya nga gikugos sa inahan tupad nako. Kasagaran man gud sa manimba dire sa Pardo kada alas singko sa buntag mga tigulang na kanang padulong na sa pre-departure stage. Kami sab ganahan man mi ug sayo kai gawas nga dili kaayo daghan ang mga manimbahay una gyud si Lord sa among life matag Dominggo pero unsa bay una nga pag atol na nga nag wali ang pari nagduka duka naman ko. Ako gi ingnan nko akong manghod "kusi-a gud ko kai katugon kai ko". Gikusi ko niya (ayayy sakita oi) ug na-igkang kos kasakit. Pero after two minutes balik nasad ug duka duka hangtod nga nakatagpilaw gyud (wala sab nuon nihagok). Unya samthang nagsugod nako paghinanok naka feel ko nga adunay mi gunit sa akong kumagko........soft kaayo, ug nindot kaayo akong pamati, i feel like i was awakened with a very caring and gentle touch. Ug sa dihang ni buka na akong mga mata, i saw this little angel, this baby holding my thumb with his tiny hand. Then his hold tightened, seems like he didn't want to let go of my thumb. Her mama carrying him did not noticed what her child was doing. In the silence of my heart i prayed "thank you Lord for calling my attention and for waking my tired spirit through this baby".And I look at the baby in his eyes, conservatively smiled at him and i allowed my mind to send him the message of joy i felt deep inside "thank you so much my little angel, thank you so much for waking me up". Suddenly her mother slowly detached her baby's hand from my thumb. That was the most wonderful touched i ever felt. Kato ang nagpukaw nako aron dili na gyud ko makabalik ug katulog. That touched strengthened my spirit to stay alive throughout the Eucharistic Celebration.

Dili ba ingun ana man sab ang Ginoo mo pukaw kanato nga mga nakatulog, mga nagduka o naluya?. He wakes us up slowly and gently. He touches our lives and our weary spirits compassionately. He is very patient with us. Dili siya sama ka harsh natong mga tawo nga kong mamukaw syagitan nato, uyog-uyogon nato, ug unsahay bubu-an nato ug tubig aron lang gyud makamata ang gipukaw. Unsahay ganahan kai ta ug instant change. However, it is a fact that change does not happen overnight. God allows us to use the gift of freedom and He does not force us to change. He does not stop working in us and He does not stop touching our lives. His power of touch is unlikely detected because it works mysteriously, He is far from letting go of us that is why we are sometimes surprised by wayward men who later on renew their lives.

BAKAKON KA

Last friday night ni ring among phone. rrrrrrrrnnnnnnnnnnnnnnnnnnnnnngggggggg!!!!! . ............

Me: Hello! good evening

Caller: Hello, palihug kong Sheila

Me: Im sorry sir but she's not around

Caller: Hoi sheila, ayaw pamakak dira

Me: What? Im not sheila, am her younger sister

Caller: Hoi sheila ayaw pag binuang dira, ngano wla man ka nanginvite na fiesta man sa inyo karon?

Me: This is WENG and not sheila........., ngano di man ka motoo?

Caller: Ah sus mamakak pa gyud kaila tawn ko sa imong tingug

Me: (nakatawa ko nga naglagot) I told you my sister is not yet around, naa pa siya sa eskwelahan karon

Caller: Ayaw pamakak kai wla siyay klase basta Friday, ikaw gyud sheila magbinuang gyud ka

Me: (ayay kahibalo d-i and ukoy sa class sched sa akong sister,wla tinuod akong ate klase basta friday) we'll honestly she is not yet home and i don't know where she is right now, why don't you text her or perhaps call her mobile?

Caller: Sheila!!! sakspan naka, ayaw na sige binuang dira .Mo anha kos inyo ha?

(Naglagot na gyud ko as in, why am i accommodating this stupid caller?)

Me: Loresaaaaaaa!!!!!!!!!! ( i had to call my younger sister nalang aron siya nalang makig estorya, otherwise basin mabundakan pa nako siya sa telepono)

then my sister got the phone and talked to him

Loresa: Hello, kisa ni?

Caller: Si Piolo

Loresa: Pag chure oi!

Caller: Ihatag ang phone balik ni sheila be

Loresa: Si Weng to imo ka estorya ganina wla pa si Sheila

Caller: Ayaw pamakak, kai kaila kos tingug ni Sheila

Loresa: Parehas ra sila ug tingog, dili gyud to si Sheila imong ka estorya ganina

Caller: Ma mista ta kos inyo

Loresa: Wla ra ba mi hikay

Caller: Ayaw pamakak

Loresa: Hala kai di man ka motoo nuh, ari lang sa amo aron makasaksi gyud ka ug naghikay ba mi o wala

Caller: Dili lang ko oi kai ingun si Sheila ipaka-on ko niya sa inyong iro.

Loresa: Aw, di ayaw nalang ug ari

Caller: Si Sheila lagi to ganina ihatag niya balik ang phone

Loresa: Gi ingnan nga dili lagi, ngano di man ka motoo

Caller: (Gibundak ang telepono)

Loresa: Huhhhh gibundakan kos telepono. kisa man to siya oi, ngano man kaila man to ni Sheila?
Me: I don't know, katok to siya ug utok

(Sama sa caller unsahay naay samukan sa atong kinabuhi, makalagot kaayo pero wla na tay mahimo gawas sa pag-ignore nila, ug diha ko nasayop kai wla nako gi ignore dayon ang ukoy nga caller to the point nga naglagot na hinuon ko, gi allow na hinuon nako siya nga mo affect sa akong emotion, ug ako pa gyud gi apil akng igsoon)

THE SMILE

Way back in college gihatagan mi sa among experimental psychology nga teacher ug task to be accomplished atol sa christmas vacation. She asked us to experiment the different reactions of strangers to smile. Kinhanglan nga 50 ka tawo among ma exprimentohan, 25 ka babaye ug 25 ka lalaki. Akong klasmeyt nakigsabot nako nga sa SM lang mi mag experiment, siya ang experimenter (tig smile sa mga tawo) ug ako ang tig record sa reaction. Wla mi nadayon kai wla mi nagkakita. Wala pa man tawn mi cellphone ato ug dili sab kai ko kasinati sa SM. Nalibot libot na nako ang SM pero wla ko kadumdum sa Goldilocks. Mao nga nka decide nalang ko nga mag experimento nalang ug ako ako. Mag uli-an man gyud mi sa bukid basta bakasyon mao nga didto nako gipahigayon ang experiment. Akong gisabot akong ate nga mao ang tig record sa reaction sa mga target individuals ug ako ang tig smile nila. Didto mis Mantalungon (ang taboanan o palitanan sa mga tawo kada Huwebes). Pero sa wala pa mi naabot nagsugod nami ug experimento sa sakyanan. Akong gi ingnan akong ate " naa koi target kanang tigulang sa atbang, mo smile nako". Dugay kai ko ka smile kai di nako masakpan iyang mga mata. Pero pag smile nako "wow nibalos sab ug smile". Then naabot na mis Mantalungon gi una lang nako ang mga babaye kai murag di pako comfortable magpahiyum sa mga lalaki. Kasagaran sa mga babaye matiguwang o mabatan-on nga target sa akong smile ni respond ra sab pinaagi sa pag smile back. Pero naa say uban nga mangotkot sa ulo kai nahibulong (kisa man ning ni smile nako?, kaila ba ni nako? ) . Ang uban deadma gyud akong beauty. Naa say murag nasuko (ngano ni smile ma ni siya oi?) . Sa mga lalaki, pagsugod pa lang namo ok ra kaayo. Ni smile back ra sab sila. Nangita kog mga senoir citizen para di ko ma conscious (heheh di bitaw). Pero dili sab ko kalikay sa mga batan-on kai kung maoy available nga masugatan namo then wla nakoi mahimo pahiyum gyud ug tarong. Ug sa dihang usa nalang gyud ang kuwang nahuwas-huwasan nami kai last na gyud intawn. Ang katapusan namong target-subject mao ang usa ka batan-on nga lalaki akong siyang gi pahiyuman. Patay nitutuk man nako, nahibulong kaayo iyang nawong, nilingi sa iyang luyo, wla may tawo ug nakasabot dayon siya nga siya d-i akong gipahiyuman. At last mana gyud tawn kos akong experiment. Lipay kaayo akong ate kai kapoi bya sige ug suot suot, lipot lipot sa daghang mga tawo aron lang maka-abot ug 50 ang subjects. Mao kai mana man ni lugsong nami aron mo pauli. Samthang naglakaw mi may nanitsit. Nilingi akong ate, pagtan-aw niya ang lalaki man nga last namo nga target. Patay....... nisunod ra ba namo ug aduna may mga kauban nga mga lalaki. Mao nga nagdali dali mi ug lakaw para malikayan sila. Midagan ug mibiya mi sa maong dapit nga nagdagan ug ni suot suot mi sa bagang duot sa mga tawo aron dili mi nila makit-an. Ug may nalang gani kai wla sila maka-atraka namo. Bisag grabe namong kutasa nangatawa nalng intawn mi. Makalagot experimentoha di na ko mo usab ato (hehehehe). May nalang gani successful gyud. Akong klasmeyt successful sab nga nag experimento sa SM nga siya rang usa.

Sa tinuod lang smiling is a good remedy to brighten your day and other peoples' day. Sa akong experimento kasagaran sa akong gipahiyuman nibalos usab ug pahiyum nako. Ang kamaya sa akong panagway nagdani usab kanila sa pagmaya. Ni ingun ko ganina nga dili nako ato nga experimentoha kai para nako dili na dapat experimentohan ang pagpahiyum kong dili himoun kini natong natural nga batasan matag adlaw. Wearing a smile is a good exercise of making ourselves and others feel better, feel lighten and feel good. So dasigon ko kamo sa pagpahiyum permi kai aron manakod mo sa mga tawo nga inyong masugatan (labi na ngadto sa mga tawo nga nagmug-ot lang permi).............. SMILE.......................SAY CHEESE.

"You cannot tune in a smile while you are broadcasting a frown. You cannot tune in goodwill and the friendship of others when you are broadcasting self-satisfaction or indifference. It has been said that a smile is worth more when it is cracked, it costs nothing and it only takes a few seconds to do it. It is no good until we give it away, and it is the one thing that cannot be rationed. It is the same unspoken word in every language." _ Parker, Paul P._

thank you for reading...... with a smile i remain your friend
WENG


this website may help you
(http://www.allbusiness.com/sales/580832-1.html?yahss=114-2974554-580832)

I DON'T LIKE JESUS

Daghan na kaayo ang mga ginikanan nga na alarma tungod kai ang mga kabataan karon grabe na ka linga sa mga computer games ug uban pa. Samthang ang ang mga gagmayng bata ganahan kaayo ug superheroes ug mga kingkoy. Si Bro. Bo, usa ka Catholic preacher na alarma sad siya sa kahilig sa mga bata niining mga butanga tungod kai usa ang iyang anak sa mahilig niini. Usa ka higayon samthang siya seryoso kaayo nga nag himo sa iyang talk para sa kerygma feast ni duol iyang anak. " Daddy, lets play". Di unta ganahan si Bro. Bo nga masamok sa iyang gibuhat pero dili siya kabalibad sa hangyo sa iyang anak. " Ok son, lets play, what are we going to play?". Daddy lets play with this batman. Samthang nakigdula si Bro. Bo sa iyang anak sa sulod sa iyang kasing kasing gusto siya nga makahibalo if his son likes God labaw pa ni Batman nga iyang idolo. Ug gipangutana ni Bro. Bo ang iyang anak " Son do you like Batman?" ug nitubag ang iyang anak "Yes Daddy! i like Batman". Ug nangutana nasad si Bro. Bo "Son do you like Jesus?" nitubag ang iyang anak: "I don't like Jesus, (ug nakurat kaayo si Bro. Bo), ..............................because I LOVE JESUS daddy".

Unsahay ubos lang kaayo ang atong pag-tanaw ug pagsalig sa mga gagmayng bata. Dili bug-os ang atong pagsalig sa ilang katakos sa paghigugma sa Diyos. Siguro tungod kai para nato linghod pa ang ilang salabutan. Pero nakita nako nga mas gipuy-an pa sa mga bata ang paghigugma sa Diyos kaysa natong mga hamtong. Nahinumdum ko sa dihang nagtudlo pami sa akong bf (best friend) ug catechisis sa Grade Two nga mga bata, gipasuwat namo sila sa papel sa ilang mga sala. Pagbasa nako na uwaw kai ko sa akong kaugalingon kai ang mga gituhu-an nga sala sa mga inocenteng bata dili man intawn matawag ug kasaypanan. Para nako mas nipakita pa sila ug paningkamot nga padayong limpyo ilang konsensya ug relasyon sa isig-katawo ug sa Ginoo. Mao ni ang pipila sa ilang gisuwat:

1. Naka bu-ak ko ug plato ug baso.
2. Naghubo ko sa akong t-shirt
3. Natumban nako ang tiil sa akong klasmeyt

Abir ako kuno itandi sa sala sa mga hamtong:
1. Nakabu-ak ako ug pamilya o relasyon
2. Gidayan dayan ko sa katawhan ang halos walay tabon kng lawas
3. Giyatakan nako ang katungod sa uban
Indeed our greatest natural resource is the minds of our children.

"If we are to reach real peace in this world and if we are to carry on a real war against war, we shall have to begin with children; and if they will grow up in their natural innocence, we won't have to struggle; we won't have to pass fruitless idle resolutions, but we shall go from love to love and peace to peace, until at last all the corners of the world are covered with that peace and love for which consciously or unconsciously the whole world is hungering. "-Ghandi-

FRUIT SALAD

Nadunggan ra ni nko sa wali ni Fr. Guanzon gabi-i

Na daw to kaslonon ni duol ni kanhi Cardinal Sin ni hangyo sila sa Cardinal nga mao ang mo kasal kanila. Nihangyo sad sila nga dili lang gamiton ang tinud-anay nila nga pangalan kung dili biblical names lang Adam ug Eve. Ug katapusan nilang hangyo mao ang pag modify sa ilang isulti sa usag usa. Ug ni sugot ra si Cardinal. Pag atol na sa kasal:

Lalaki : Eve you are the cherry of my lips

Babaye: Adam you are the apple of my eyes

wala kahibalo si Cardinal sa unsa iyang isulti mao ni ingun siya

Cardinal: I now pronounce you fruit salad

Matud pa ni Fr. Guanzon ang katilingbanon nga simbahan sama sa fruit salad nagkalain lain ang mga sagol nagkalain lain nga mga tawo nga sakop niini. Dili sama kalami sa fruit salad kung usa lang ka prutas. Ang tinud-anay nga simbahan buhi sa paghigugmaay ug pag-alagaray sa usag-usa. Na sa ato pa bata, tigulang, hamtong, batan-on gitawag sa maong hagit, ang hagit sa pagkighi-usa ug pakig-ambitay sa ingun nga paagi ma buhi ang simbahan nga himatyon. dili lamang sa pulong kon dili sa buhat. Puya-an sa tinud-anay nga kinabuhi ang mga pulong Solidarity, Stewardship and Social Concern. Madasig unta kita sa pag-tuman niini.

"We do not wait for the future to come upon us. Rather we create the future and bring it to our present. We should not be satisfied with “cosmetic changes” or superficial changes, even if they appear good and make us popular. They are temporary. We need to do some “paradigm shift” or “value shift.” If we want dramatic or revolutionary transformation in the institution or organization, we need to start with our persons, we need to change our perspective, our mindset, our frame of reference, and operate with a new set of values."archbishop Angel Lagdameo

KARMA

Sa closing sa Bogo Elementary School,13 years ago. Naninda mi ug ice candy ug dougnuts. May nipalit nga lalaki, ako unta mo hatag sa ice candy pero pag tan-aw nako gi chicken pox man. Gabutlog butlog na iyang nawong ug mga bukton. Unya nakatawa ko sa iyang hitsura. Wla gyud nako tuyo-a nga nakatawa ko, ug murag nalain siya. Akong ate baw na ug tan-aw nako. Gidali-dali nako ug liso akong ulo ni Nang Nady ang buang nga nagsuroy suroy atong higayona nga nag mugna sad ug iyang pasundayag. Ug nagkatawa pa gipahon ko sa maong lalaki nga gi chicken pox. Nangutana akong ate shing "ngano nagsige man ka ug katawa?" ni tubag sab ko "kataw-anan man kaayo si Nang Nady" (namakak jud ko). Ug ni ingun si Shing "ay nalang kai klaro kaayo nga gikataw-an to nimo ang gi chicken pox nga nipalit, nanaway jud ka ato". Ug gi kumbinsir jud nako si shing " Dili oi si Nang Nady lagi akong gikataw-an (strike 2 nga pamakak).

Ug ang Karma:
After one week sukad ato, gi chicken pox bitaw ko mas grabe pa ug mas dagko pa nga butlog butlog sa lalaki nga akong gi kataw-an. Wla gud koi gawas gawas sa amo. Gi quarantine nako akong kaugalingon sa kwarto. Naguol gyud ko ug nisamot pa gyud kai gi ingnan ko ni shing " da tan-awa gigabaan nka sa lalaki nga imong gikataw-an". Sa akong kaguol ug kahadlok nga nagabaan ko nag sorry jud ko sa Ginoo, " Lord imo gyud d-i ko gigabaan ato, nakatawa man ko gud dili man gyud mapugngan" sorry kaayo ingna nalang to ang lalaki nga akong gikataw-an nga sorry, ug nagrosary pa jud nga nagluhod atubangan sa altar. Wla ra gyud nako tan-awa akong nawong sa samin kai mahadlok ko. heheheh buanga gyud ato nga experience pero mao tingali to ang gitawag nga karma. Ug ang ebidensya nga nakarma ko mao ang mga uwat sa chicken pox nga maklaro pa hangtod karon. Ug ang kining gasuwat wla pa gyud ni tagam:

3 years after sa closing gihapon sa Bogo Elementary School: Naay lalaki cge gyud ug tutuk ni lory, dayon ni shing, dayon nako. Na uncomfortable gyud ming tulo. Imbis adto sya mo tan-aw sa stage di-in may nanag sayaw ug kanta, dire man sa amoa nag sige ug tan-aw wla nalang mi naka concentrate sa among pagtan-aw sa mga pasundayag. Mao nga lagot na kaayo ko ug si shing, si lory way paki deadma lang niya. Pero ang mga tawo sad nga naa sa among kilid sige sad ug ingun basin manglumay daw (huh? lumay jud). Mao ni suway ug duol si shing pero ni distansya lang siya kai nahadlok man. ug iya gi ingnan " na buang ka?", pero wla man tingali kadungog ang maong lalaki kai padayon man gihapon ug tutuk ni shing, lory nako then vice versa nasad. Ang mga tawo sa kilid lain nasad ug huna huna "unggo daw" patakdan tingali mi (kuyaw sad kaayo ug huna-huna ang mga tawo sa bukid). Mao kai naglagot naman ko, giduol nko ang tawo ug akong gipangutana sa masuk-anon nga tingog " nganong sige man ka ug tan-aw namo? " ug ni ingun ang maong tao " wla oi " , ". Ug akong gi tubag " unsay wala!, bakakon ka!". (maayoha gyud nako mangita ug sayop, may gani iyaha strike one ra ako kai strike two gyud) Ug nilakaw ang maong tawo, nahanaw sa among panan-aw. Si Nanay Lisa gipa konsensya ko gi ingnan ko nga basin daw Ginoo to unya ako lang gikasab-an. Pero ni rason jud ko " dili gyud to Ginoo Nay kai namakak gud to".

Ug kai nahadlok man ko nga ma karma nasad mao nag pray nasad, nagsorry nasad ko sa Ginoo, "please Lord ayaw intawn ko gaba-i parehas sa una."May gani wla nako nakarma.

Karma in Christian Perspective means that God punishes the wicked or those who have done wrong. Thus becoming aware of his/her own faults may lead to guilt feelings. My conscience pinch me oftentimes. A friend told me that it is because of my tendency to obediently follow religious norms that i seemed to live and think idealistically. I tend to judge people whether they are upright or not. I always seek righteousness and view my God as harsh.

In psychological perspective, guilt feelings become unhealthy if secondary responses occur, like depression, perfectionist syndrome and feelings of uneasiness. Guilt is caused by thinking that you have done something wrong. You think you have done something wrong because you judge yourself or someone else judges you.

In Catholic perspective, guilt is felt because God is seen as a God of justice in the sense that He will punish those who deliberately refuse to repent of their wickedness and wrongdoings. Karma is an outbreak of the cry for justice. However, God is believed to be a God of mercy. He takes no pleasure in the death of the wicked and often delays His judgments in the hope of repentance.

To reconcile psychological and catholic perspective:
Human beings are not perfect. We have our areas of weakness and God knows them very well. We stumble at one point, we ask forgiveness, and He forgives. We stumble again, we repent and He forgives. Again we offend our God, we admit our mistakes and repent and His arms are still wide open to embrace and forgive us. He is a loving and merciful God and He is not harsh. You will one day be surprised that you are already attracted to Him as you learn your lessons.

"But i don't deserve His love and forgiveness? But isn't that true of life in general? We don't deserve his love and forgiveness. We are not worthy. But what do we do with a God that loves us recklessly? Just say yes to undeserved love."(Bo Sanchez)

REACHING THE TOP

Sa una grabe kai ko ka hangol ug butong ug hasta sad akong mga igsoon. Pero mas grabe gyud tingali ko kai bisag medyo tag-as ang mga lubi ni lola nisuway gyud ko ug kat kat aron lang gyud makakuha ug mga butong. Pag tunob sa unang hakhak wla rai kulba, sa ikaduha wla ra gihapon, sa ikatulo wla ra gihapon, sa ikaupat nga hak hak wala ra gihapoy kulba, sa ikalima kulba kulba na pero padayon lang gihapon hangtod nga naabot gyud ko sa punu-an ug gipanghatak dayon ang mga lubi. Para nako basta green ang color sa lubi butong nato. Pagtan-aw sa ubos taas taas man d-i ang akong nahimutangan maong hinay hinay dayon ug naug aron dili mahulog. Gipangbu-ak dayon nako ang tanang lubi ug sa kadaghan sa akong gipanghatak naa gyuy insaktong mga butong ug ang uban nga gahi kaayo wla lang sad pugsa pagkuskus. Ug lipay kaayo ming tanan nga ni kaon. Elementary ko nagsugod ug katkat ug mga lubi ug agresibo kaayo ko atong mga panahuna upat ra sad hinuon ka punu-an ang makaya nako ug katkat. Basta naa kos bukid ma upaw gyud ang upat kalubi ni lola ug malugi gyud ang iyang pangupras. Dunay higayon nga inig katkat nako mo syagit akong lola nga manaug ko kai mahadlok siya nga mahulog ko. Ug unsahay iya kong ingnun nga dili na mopadayon ug katkat kai daghang mga tabili sa punu-an nga posibleng mamaak nako.

I have tried reaching the top for a number of times or for a number of years despite my grandmother's fears or mistrust of my capacity to smoothly reach the top. Dili tinuora sayon para nako ang pagkat-kat, kinahanglang nga mag-amping gyud sa pagtunob sa kada hakhak aron dili maligas pero tungod kai buot man nako makab-ot ang akong tuyo maong bisag unsa ka lisod, ka kuyaw o ka risgo sa akong gihimo ako gyud nakab-ot ang kinatumyan sa lubi nga may mga butong.

Diba ingun ana man ang kinabuhi unsahay lisod kaayo kab-oton atong mga damgo apan kong kita maningkamot ug motoo nga kita makahimo sa atong tuyo ato ra gyud kining matuman. Ug sa dili pa nato matuman atong mga damgo mag-agi gyud kita ug mga kalisdanan, aduna usay mga tawo o mga circumstansya nga mo babag kanato. Dili tingali tanang tawo mosalig sa atong kapasidad apan dili kana igong rason aron kita maluya sa pagkab-ot sa gusto natong kab-uton.

Not at all times we are able to reach our dreams. We fail sometimes, however it does not mean we have to stop working on our desired goals. Bounce back and be resilient. You may not be successful in one area but at least you are in other areas. Reaching the top isn't that easy but once you succeed you will feel proud, happy and blessed.

Keep on dreaming, reach the top, and learn to share what you've earned.

Note: ( dili nako ka siguro if kahibalo pako mo katkat ug lubi karon)

YOU ARE NOT ALONE

Sa bukid layo kaayo ang kawsanan ug tubig. Kinahanglan pa mo lugsong agi sa ngilit kaayo nga dalan. Gamayng sipyat sa lakang matambog ug maligid gyud sa ubos nga pangpang. Walay say mga kabalayan nga maagi-an sa maong dalan tungod kai tunga-tunga kini sa kalasangan. Ang ubang tawo sa bukid ok lang kung dili kaligo ug usa ka adlaw pero dili na mahimo kanamong magsoon. Mao kada hapon ming mga magsoon mo naug padulong sa tubod aron magligo ug magsag-ob pwera lang kong adunay labhanan kai sayo sa buntag mo naug na. Kuyaw sad ug ikaw lang usa ang mo lugosng kai adunay mga la nga mananap ug kahayopan nga posibleng masugatan sa dalan. Posible sad nga adunay mga dautang tawo nga masaag sa maong dapit. Apan adunay bakasyon nga nakasuway gyud ko ug lugsong nga ako ra usa tungod kai ang akong igsoon nga si shing ni eskwela pag summer ato ug si lory nahabilin sa siyudad kai ni larga man sila si mama, papa, ug lola sa Davao para sa ilang reunion. Mao nga ako lang ang nahabilin sa bukid mga usa ka semana. Mo lugsong gyud ko kada alas singko tungod kai daghan man sad kaayong buluhaton nga makapasingot ug makabuling sama sa pagkuha ug lawog sa baka (gipalayas man gud to nakong tigkuha ug lawog ni lola), pagpakaon sa baboy, manok, abis ug bani, lubok pa gyud, silhig sa mga layang dahon ug uban pa. Abog pa gyud kaayo kai agi-anan sa mga sakyanan ang among balay. Mao nga ang pinaka sakto nga oras aron maligo mao ang kada hapon para wla nay tawo sa tubod. Usa ka higayon ni ana nadugay gyud ko ug balik kai nakigtabi pa nako si Nang Aldang, nga atong higayona ni adto sad sa tubod taas-taas man sad ang iyang gisaysay nga mga kagul-anan ug mga problema mao nga wla koi nahimo gawas sa pagpaminaw. Ug sa dihang ni tungas nako gabi-i na gyud mga alas says y medya nato ug halos dili na makita ang dalan maygani na memorize na nako ang maong dapit ug tulin ra akong paglakaw. Ang akong madungan nga kasikas sa lasang mao ang mga gangis ug uban pang mga tingog sa mananap Aduna say mga aninipot nga nag-iwag iwag sa dalan. Ang ilhanan nga katunga na ang akong nabaktas sa dili pako ma abot sa balay mao ang punu-an sa kawayan. Mo pahuway unta ko pero nibati naman ko ug kakulba mao nga ni padayon nalang kos akong pagtungas. Ug nag-ampo sad nga ilikay lang gyud ko sa kadautan. Ako gyud gi silsil sa akong alimpatakan nga wla ako nag-inusara sa akog paglakaw tungod kai nag-uban kanako ang akong anghel nga magbalantay. Ug sa dihang duha nalang gyud kaliko sa dili pako mo abot sa ubos sa among balay maynakatagbo ko nga tawo. Grabe jud nako ka kulba kai dili nako maila kung kinsa ang maong tao. Naghubo pa jud sa iyang t-shirt ug nagshort. Pero padayon lang gyud ko sa paglakaw ug wla gyud koi sulti sulti sa dihang nagtagbo mi sa maong tao. Mao nga maynalang gani wla ra sad siya nitimbaya. Hai nako kulba-a gyud wla ra ba intawn koi masampit nga tawo nga makatabang nako. Motoo gyud ko nga sa atong pag-inusara kita inubanan sa atong mga anghel. Mao nga sa pagpangutana sa akong nanay kung ngano ako rang usa ang ni adto sa tubod ako siyang gi ingnan nga wala ko nag inusara gi ubanan ko sa akong angel nga magbalantay.

There are times as well that we face trials, pains, challenges all by ourselves. Even if we have friends, family and colleagues, sometimes we can't find answers why none came to rescue us. There are indeed moments in our lives that we are left all by ourselves. In that experience, in that journey, i was not alone. Rest assured as well that in your journey YOU ARE NOT ALONE.

CLOTHE THE NAKED

Usa sa corporal works of mercy mao ang "CLOTHE THE NAKED" O SININA-I ANG MGA NAGHUBO

Nakat-onan ko ni sa among Christian Living nga klase pag grade four. Gani gidasig man kami sa pagmemorize sa mga corporal works of mercy. Ug gi-awhag usab kami sa pagtuman maski usa lang sa mga buhat sa kaluoy o akto sa pagpadayag ug gugma sa isig ka tawo. ug tuod man nadasig ako sa pagtuman sa usa ka akto nga mao ang "CLOTHE THE NAKED".

Kada Disyembre mag andam gyud ko ug mga ginamit nga mga senina aron akong ipanghatag sa mga silingan o mga paryente sa bukid. Adunay usa ka higayon nga naay mga bata nga nanaygon ug tungod kai wla man koi kwarta mga senina nalang akong gihatag sa duha kabata nag kulisma-ot ang ilang mga nawong kai ganahan gyud sila ug kwarta mao nga ako silang gipasabot nga wla koi kwarta. Paglabay sa usa ka oras aduna nasay mga bata nga nanaygon mao nga mga senina nasad akong gihatag ug nalipay hinoun sila. Pagka ugma ana ni agi silang tanan sa amo nga nagsul-ob sa senina nga akong gihatag ug nagpasalamat.

literal ang akong pagsabot sa maong buhat. basta kai nakahatag ko ug senina sa mga bata para nako natuman na nako ang buluhatong nga nagpadayag ug gugma sa isig ka tawo. apan akong nasuta nga mabaw lang ang akong motibo niini.

Clothe the naked lisod na ba kini tumanon karon? Dili ba daghan na man kaayo ang mga hubo nga dili gustong sini-naan. daghan na ang mga hubo nga gustong mgapabiling hubo hangtod sa hangtod. Lisod sini-naan ang ang mga tawo karon labi na ang mga babaye nga gusto nalang mo ladlad sa ilang kalawasan nga kung pwede nalang wlay senina

Nahinumdum ko ug usa ka theology ug rector nga pari sa usa ka seminaryo dire sa sugbo nakadawat siya ug suwat gikan sa iyang estudyante nga babaye "Father i imagine you naked in my eyes". Nasuko kaayo ang maong pari. ug sukad ato wala na gyud siya ni handle ug MA Theology aron makalikay siya sa mga estudyanteng babaye. Grabe kaayo ang imahinasyon sa tawo. Kung ang pari nga descente ug moral ang senina-an gihubo-an sa malaw-ay nga huna-huna, labaw na gyud tingali ang mga dili descente ug senina-an.

Dili kinahanglan nga literal ang pagsabut sa "clothe the naked". Clothing the naked may also mean, seni-nai ako sa imong pagtan-aw. Ayaw ako hubu-i sa imong mga mata. Dili man siguro nato mabadlung ang kinabag-an sa mga tawo nga nagpaturagas nalang ug sunod sa unsay uso apan makat-onan nato ang pagtan-aw sa usag usa kanato nga templo sa espiritu santo. Thus, we clothe the naked by seeing each person we met as temple of the Holy Spirit maski unsa ug kisa pa siya, ma burikat man, ma GRO, Pari, estudyante,tindera o mag-uuma. We clothe decently our brothers and sisters in our holy eyes.

" Being modest is something that is being slowly lost in our society. Being modest does not mean 'Be a Prude' or 'Be a Doormat'. It means 'Respect yourself and the others around you'."



Sharing what i have learned

Corporal Works of Mercy
* Feed the hungry
* Give drink to the thirsty
* Shelter the homeless
* Clothe the naked
* Care for the sick
* Visit the imprisoned
* Bury the dead
Spiritual Works of Mercy

The seven practices of Catholic charity toward our neighbor’s soul:
# To admonish the sinner (correct those who need correction)
# To instruct the ignorant (teach the ignorant)
# To counsel the doubtful (give advice to those who need it)
# To comfort the sorrowful (give comfort to those who suffer)
# To bear wrongs patiently (be patient with others)
# To forgive all injuries (to forgive others who hurt you.)
# To pray for the living and the dead (to pray for everyone who needs our prayers)

These are based on the teaching of Christ and on Church practice since apostolic times.

The spiritual works of mercy are oriented toward the soul. The corporal works of mercy are oriented toward the body.

HILAK

Naghilak ang bata kai wala siya pakuyoga sa iyang mama. Ug gi ingnan siya sa iyang amahan

Daddy: Hilom na, ayaw na sige hilak dira

Ug ang bata nidanguynguy pag-ayo

Daddy: hilom na lagi! di ka mo hilom kai bunalan tika aning bakus

ug ni ingun ang bata

Bata: Bisag kahilakon pa gani ko. (ug nipadayon ang bata ug hilak)

Daddy: Hala sige HILAK!

Kasagaran nato basta adunay magdanguynguy nga bata unya dugay kaayo mo hilom ato gyud nga makasab-an, pahilumon jud, hadlokun pa gani ug bunal or latigo o hadlokon sa bisan unsang paagi arong lang gyud mo hunong paghilak. Ug mao kini ang nakita nako nga mga rason kung ngano kasagaran nato mo dason man gyud sa pagpahilom sa batang nagdanguynguy?: una, nabanha-an, na alingisigan o na irita kita sa iyang paghilak, ug ang ikaduha naulaw sa ta ubang tao nga na disturbo sa iyang paghilak,

ug mao sad ni ang hirit sa akong igsoon nga akong gi pangutana? matod niya
pahilomun daw ang gahilak kai gawas na saba kuno kaayo paminawn ang hilak, lisod kuno kaayo sawron ang mga luha ug sip-on nga magdungan ug agas, ikaduha, makasuwaw kuno ang kabati sa dagway sa gahilak.(seryoso bya ta ko nangutana niya pero gibinuangan man kog tubag)

Para nako kasagaran sa mga rason nga akong gisaysay sa ibabaw self-beneficial na sa ato pa pabor kini sa kaugalingon lamang

Sa dihang ni ingun ang bata sa iyang amahan nga " kahilakon pa siya" nagpasabot kini nga ang paghilak dili basta basta nga mapahunong. Usa kini ka paagi aron ma pagawas ang mga tension, ma emosyonal man o physical. Ang paghilak makahupay ug makalu-ag sa bug-at nga gibati. Matod pa ni Rodulph Cornelius (1986)kung dili mapagawas ang mga kagul-anan o tension sa sulod sa dughan sa tao mangita kini ug laing lutsanan aron lang mapagawas ug posibling mo gawas kini pinaagi sa mga bodily diseases o sakit.

" The sorrow which has no vent in tears may make other organs weep."(Henry Maudsley)

Ang hilak makaayo ug dili angayan nga pugngan....ayaw iluom .... ihilak lang

More Quotes:

Invisible tears are the hardest to wipe away. Just let it out, my friend.
~Adabella Radici

Those who do not know how to weep with their whole heart don't know how to laugh either. ~Golda Meir

Let your tears come. Let them water your soul.
~Eileen Mayhew

MGA BULAK

Kanus-a ang katapusang higayon nga nakahatag ka ug mga bulak sa imong minahal o sa mga minahal mo sa kinabuhi. Ngano kasagaran nato kinahanglan man nga maghuwat pa nga mamatay ang tao usa pa kita magdala kaniya ug mga buwak? Dili ba sayang kaayo kini? Makalolouy kaayo sud-ongon ang mga maanyag nga bulak nga nasayang lang tungod kai ang gidalhan niini minpanaw na sa laing kalibutan. Kini untang mga bulaka makapahimuot ug makadasig sa maong tao kung buhi pa unta siya.

Ang ginagmayng butang bilihon kaayo. Higugmaa sila samtang buhi pa sila. Ayaw paglangay langay o dugay-dugaya. Ayaw pagpaabot sa lubnganan.......


"I'd rather have one blossom, one flower from you now, than a truckload when I'm dead"

Ang mga bulak, mga matam-is nga pulong ug mga maayong gawi mas gikinahanglan sa mga buhi kaysa mga patay.

GUGMA o BIGA

Gugma o Biga?

Mao kini ang pangutana sa akong makalolooy nga ig-agaw sa dihang mibiya kaniya ang iyang hinigugma. Ang akong ig-agaw nga lalaki nag puyo puyo uban sa iyang hinigugma
Ug sa kalit lang gikuha sa iyang inahan ang hinigugmang babaye. Gipalayo kini kaniya. Apan nagbilin ug suwat ang iyang hinigugma nga nagsugilon nga bisag unsay mahitabo
siya lang higugmaon niini.

Daw nawad-an sa umoy ang akong ig-agaw sa pagkabasa niya sa maong sulat. Sangko sa langit ang iyang kaguol, daw nawad-ad siya sa paglaum. Nagsige siya ug hilak, hapit gani siya maghikog, wla siyay kaon kaon, permi lang siyang ga inom. Naguba gyud ang iyang normal nga kinabuhi. dili siya matulog ug magmumuk nalang sa daplin.

Gipangutana ko niya usa kahigayon ni ana? "unsa man ni akong gibati gaw, biga ba ni o gugma?" Sa asoy pa niya daghan na daw siya ug mga babaye nga gipasakitan, o nibiya kaniya apan wala siya nibati ug tumang kaguol susama sa iyang gibati ni adtong higayona. Matod pa niya nakahibalo siya sa batasan sa maong hinigugma, tapulan, walay nahibal-an sa mga buluhaton sa balay ug latagaw unsahay. apan ang tanan iya kining gidawat.

Naglisod ko tinuora pagtubag sa maong pangutana. Unsa man d-i ang biga? ako lang kining ipasabot base sa kasinatian sa akong ig-agaw. Ang akong ig-agaw nagpuyo puyo na uban sa iyang hinigugma, na sa ato pa gi isip na niya nga asawa o kapikas sa kinabuhi ang babaye. Ang lawasnon nga paningahanglan nga posibleng kada adlaw, kada oras, o kada minuto gipangita sa usa ka tawo mao ang mohari sa galamhan. Mao kana ang biga..... sa pag-abot sa ilang pinuy-anan nawala o kalit nga nahanaw sa kinabuhi sa akong ig-agaw ang kanhi iya perming gilauman na mahitabo matag pauli niya sa balay. (Aduna akoy kapasikaran sa maong punto apan maglisod ako pagsuwat dinhi tungod kai adunay mga pribadong mga butang nga angay itago sa kinabuhi sa akong ig-agaw ug sa iyang hinigugma.

Gugma ba kong ikaw mo sabot sa usa ka tawo nga matud pa walay tumong ang kinabuhi? Ang hinigugma sa akong ig-agaw aduna usay laing hinigugma, mo abi abi kini ug mga manguyabay kaniya.Ug sa laing bahin ang akong ig-agaw aduna usab mga babaye sa iya kinabuhi gawas sa iya kapuyo. Ingun ana kagubot ang kinabuhi sa akong ig-agaw.
Sa akong pagsabot wala nilang duha ang nakasabot ug unsa gyud ang gugma. Ug posible nga ang biga lang ang nipasuwabi sa ilang kinabuhi.

Ang tinud-anay nga gugma mo patigbabaw sa katarung. Maningkamot kini nga puy-an ang unsay sakto.Wala ako mo ingun nga dili kini malukapa,ang gugma sa tawo posibleng matimpawak sa kaalaut o mabuling bulingan apan maantigo kining mo bangon aron puy-an ang kaligdong ug kaputli. Maningkamot kini nga dili malumpag ang usa ka relasyon. Kai motoo ba d-i ikaw kung ang amahan mo ingun sa iyang pamilya "suportado ko kamong tanan ug pasagdi lang kong mamabaye ko" " ikaw lang gyud akong higugmaon apan pasagdi lang ko nga magbinuang sa uban na babaye/lalaki"? Ayoha pagsabot ang pulong gugma, ayaw kini buling bulingi. kai ang biga adunay katapusan apan ang gugma wlay katapusan,lupigon niini ang kahiwi-an. Sa kaso sa akong ig-agaw sa dihang nibalik kaniya ang nibiya niyang hinigugma ang iya kunong pagbati ngadto sa babaye gugma ug biga. Dili kaha obssesive love?

Sa relasyon sa managuyab unta mo hari ang tinud-anay nga gugma. Kai kung buling bulingan kini inanay kini nga mawala. Nganong mawala man? Tungod kai ang biga physical nga maningahanglan apan ang gugma espirituhanon nga paningahanglan. ( ako kanang ipasabot sa sunod)

Para magiyahan mo si John Lee ni propose ug 6 styles of love ( asa man mo dapit)
Three primary styles:
1. Eros – Loving an ideal person
2. Ludos – Love as a game
3. Storge – Love as friendship

Three secondary styles:
1. Mania (Eros + Ludos) – Obsessive love
2. Pragma (Ludos + Storge) – Realistic and practical love
3. Agape (Eros + Storge) – Selfless love

LOVE LETTER TO MAMA MARY

Dear Mama Mary

Please take good care of me. My enemies are haunting me. I do not know who my friends are. I have so much sufferings and pains. I cannot describe the heartaches I am experiencing right now. Left and right they attack me. They make me feel embitter. I am demanding for your love and help. I believe you will not leave me. Look down on my troubled heart. My soul is so weak. My body is very worldly. Clothe me of your mantle. Embrace me and comfort me. I have not found genuine joy from anyone else, but in you, in your motherly care. I include in my prayers my loved ones. Bind us in your love and bring us closer to your son Jesus no matter what. Remind me that my sufferings are great blessings.

Thank you so much

From your daughter

Kaganina, sa dihang nanglimyo ko sa akong lamisa nakit-an nako ang papel nga adunay sulat nga pangaliya. Ako kining gibasa. Nabati nako ang kaguol-anan nga na sinati sa maong tao. Daw sangko sa langit ang iyang mga kasakit. Daw hapit na siya kawad-an sa pag-laum. Nabati nako ang iyang bakho, ang pag-antus ug ang iyang pag-inusara. Apan nakita nako ang kadaku sa iyang pagsalig sa iyang inahan. Siya milaum nga may katapusan ang tanan niyang pag-antus.

Ang pag-antus usa ka grasya. (basin nagtoo ka nga kandidato kos pagkasantos o di ba kaha masochista ko nga ganahan kaayo nga dagmalan ug pasakitan). Unsa man diay ang bout pasabot niini? Ang mga pag-antus o kasakit usa ka grasya tungod kai adunay kitay mapupo niini. Walay si binsan kinsa nga makalingkawas sa pag-antus pero makatabang kini kung nagdasig kini kanato aron maduol kita sa atong Ginoo. May katapusan ang tanang pag-antus. Kini naghatag kanato ug kalig-on, magmabungahon kita tungod niini. Mamahimo kitang hingkod sa atong pagtoo. Ang atong mga kasakit, kagul-anan, ug pag-antus maghimaya sa Diyos kung kita mitoo ug misalig sa iyang panabang. Kita gihatagan niya ug kusog. Ug samthang kita naghalad sa tanan natong kagul-anan ngadto kaniya kita makadawat sa grasya ug gahum nga atong gikinahanglan. Usa kini sa paagi sa Diyos aron kita mo hinog ug mo lambo sa atong Kristohanong patoo.

The Serenity Prayer

GOD, grant me the serenity to accept the things I cannot change, Courage to change the things I can, and the wisdom to know the difference. Living ONE DAY AT A TIME; Enjoying one moment at a time; Accepting hardship as the pathway to peace. Taking, as He did, this sinful world as it is, not as I would have it. Trusting that He will make all things right if I surrender to His Will; That I may be reasonably happy in this life, and supremely happy with Him forever in the next. Amen (Reinhold Neibuhr-1926)