Dili hinuon ko daghan ug na-adtuan nga place. Wla sab ko ka adto ug laing dapit sa Pilipinas gawas sa Cebu kung dili business trip. Pero mao ni akong mga nakita sa laing lugar.
Sa ORMOC CITY, Leyte - gamay lang kaayo nga siyudad apan daghan ang mga tawo. Wlay jeepneys puro lang trycicle. Ma abi-abihon ang mga tawo ug simple kaayo ang ilang mga kinabuhi. Didto nako natilawan ang lami-an nga delicacies sa Young Attitudes (ang pinakalami nga cassava cake). nag onsite admission testing lang mi didto. Ang dili nako ganahan didto kai they are not nature loving, i don't see flowers, landscapes, trees, the place lacks color, dry kaayo puro balay ug building ra. sa tinuod lang usa ra ka kahoy akong nakit-an sa akong palibut ato.
Sa ISABEL, Leyte - grabe kaayo ka mingaw ang maong dapit. simple ra sab kaayo ang mga tawo. they seem to be very happy. didto nako nakita nga kada Biyernes ang mga bata busy kaayo sa sports activities, mura sila ug nakabuhi sa kural kiat dire kiat didto murag naa sa lasang o usa ka mamingaw nga dapit ug nagmugna ug kasikas arong lang malingaw. Ang dili nako ganahan didto kai puro lang green grass ang akong nakita, wla sab kaayo mga trees, i wonder if nahurot ba ang mga trees sa mga bagyo nga nidagsa sa ilang dapit o wla lang gyud sila nananum.
Sa TACLOBAN, Leyte - didto nako nakita ang Sto. Niño Church na gipatukod ni Emilda Marcos, grabe kaayo kagilak gilak ang altar sa simbahan (ingun sila tinuod daw to nga gold di pod ko sure). medyo samok samok ang lugar pero maayo ra kaayo ang mga tawo didto. Didto makita ang binagol, budbud nga naay chocolate, mga ampaw nga pangbata, peñato as in daghan kaayo ilang delicacies didto. trabaho gihapon among gi adto
Sa DIPOLOG CITY, Zamboanga - grabe sab kaayo kamingaw, upaw ang mga mountains parehas sa cebu. wlay landscapes of flowers and green plants, mingaw na kaayo ig alas siete sa gabi-i, dili kaayo daghan ang suga sa kadalanan kuyaw kaayo ilaag. Pero didto ka kapalit ug lanzones nga tag 10 ang kilo, sardinas nga gisulod ug glass (lami kaayo pang export ug dating). simple ra kaayo ang mga tawo wlay arte arte. pero didto ka kakita ug 60 nga amerkano nga nag check in sa hotel kuyog ang usa ka minor de edad nga babaye (mga 15 years old pa to). again business trip onsite admission testing gihapon
Sa DAPITAN CITY, Zamboanga - naguol ko sa maong dapit. ingun sila dapit daw to sa mga Haloshos. i can feel how lonely was Rizal's life during his excile. tag-as kaayo ang mga bungtod may nalang naay kahoy. isolated kaayo ang dapit, pero peaceful kaayo. Unya nakita nako ang big rock nga dating place ni Jose Rizal ug Josephine Bracken nga overlooking sa dagat. Alas 6 sa hapon padulong na matulog ang mga tawo didto. Sirado na ang mga tindahan ug wala na kaayo nagtikaw tikaw kami nalang sa akong mga kauban. Wla sab kaayo mga sakyanan sa kadalanan didto.
Sa DAVAO CITY, Davao - wide kaayo nga city. dili ko ka appreciate sa airport, puro green grass nga murag gi-agian ug daro. wlay landscapes and flowers. samok kaayo, pero didto ko kasuway ug gamit ug exclusive kaayo nga CR (mo detect lang sa buhi nga kamot mo agas na ang tubig). mga nice kaayo ang mga tawo. grabi kaayo mo serve ug pagkaon. didto ko naka-kaon ug dagko kaayo nga baked fish, then daghan kaayo ug nagkalain-lain nga prutas ang i serve. dili lang kaayo indot ug aura ang city. grabe kadaghan sa durian didto. ug didto mi nakasuway ug check-in sa pang short timer daw to nga hotel wala man sab mi kahibalo. naglibog gani ko ngano pangshortimer kai naa may bible ug cross ang room (magrosaryo pa tingali ang magshortimer usa magbinuang). Ug ang taga didto nga naka uban namo sa seminar grabe kaayo mo entertain namo, pletehan mi, pakan-on pa gyud.
Sa BAGUIO CITY, Baguio - na appreciate nako ang ka bugnaw sa lugar, ang katag-as sa pine trees, ang ka colorful sa dapit, ang ka cool sa mga tawo bisag naghunong sa tunga sa dan ang sakyanan dili ra businahan o syagitan sa driver nga nagsunod. didto ko kakita ug mga conservative kaayo nga mga tawo. wlay nag spaghetti, nag pakita sa tiyan, halos naka longsleeves, naka shawl ug nihit ang isda nga pagkaon. daghan kaayo mga flowers nga ni bloom sa bisan asa nga dapit, mag fog permi, although polluted nalang ang maong lugar. ganahan kai ko sa place, solemn ug peaceful pero dili ko maguol tungod sa ka colorful sa landscapes ug sa flowers. strawberries, peanut brittles, strawberry jam, mga key chain nga ginama sa kahoy. table runner, as in daghan kaayo ug products ang maong lugar. Ang flower festival grabe ka nindot.
Pero ang Cebu the best gyud para nako ....................................
No comments:
Post a Comment