THE AMPALAYA CHALLENGE

Akong papa adunay gitanum nga ampalaya sa kilid sa among kural dire sa siyudad sa una. Pagpamunga niini grabe kaayo ka daghan. Mao to nga kada gabi-i ampalaya gyud ang lutuon ni papa para panihapon, dagko pa gyud kaayo ang pagkaslice niini ug sagolan to niya ug meat. Ingun sila basta tarungon lang ug luto mawala daw ang kapait niini pero ang luto sa akong papa pwerte gyud ka pait. Kaming mga igsoon di mi ganahan ug amplaya ato sa una. Ig panga-on na namo ang meat ra among pili-on. Akong papa ig tan-aw niya nga wla mi ni kaon sa paliya iya mi kasab-an kai makagaba daw. Mao nga timi timi sab mi ug kaon. Unya pa gyud ig undang sa akong papa pahimangnu-an mi niya nga kinahanglan hutdon gyud ang paliya ug ang kan-on nga iyang gibutang sa among plato. Kami pa man tong tulo sa akong igsoon na mga babaye dire. Ig adto na ni papa sa iyang kwarto mag yaw yaw dayon mi " wla gyuy lami ang paliya", "pait kaayo" "di jud nako matulon", mao na kasagaran namong complain. Unya hadlok man mi anang gaba amo nalang gi agwanta. Ako gi ingnan akong mga igsoon "maypa ato nalang hunahuna-on nga fruit salad ni atong gi kaon, magdungan ta ug hungit sa paliya unya maglumba ta ug kaon". Ug ang akong mga igsoon nisugot ra sab. Ako sab ang tig abni nila " sige ready 1, 2, 3" dayog gunit sa kutsara sandok sa paliya dayon hungit sa dagko namong mga baba ug dali dali-on ug usap. ug samtang nag-usap mi mao ni among isulti " mhmmmm kalami sa fruit salad" ug dungan nasad mi ug kuha dayon hungit sa usa ka kutsara nga paliya hangtod nga nahurot gyud ang among paliya nga sud-an. "heheheheeheheheh, yehey nahurot gyud" ug mangatawa dayon mi. Pagka ugma mao lang gihapon, maguol gud mi ato. Ig sunod gabi-i ampalaya lang gihapon. Sa sige ug balik balik atong sud-ana sa among lamisa ni abot ang panahon nga dili nami magtimi timi ug kaon ug ampalaya kai naanad na among tutunlan. Hangtod napu-o (namatay) ang maong tanum. Ug karon ganahan kaayo ko ug paliya mapait o dili lami-an nako.

Daghan kaayo ug challenges ang kinabuhi, ang uban grabe kalisod, ang uban hinuon simple lang pero aduna gyuy uban nga makapatay-ug sa atong galamhan ilabi na kung kita makalitan niini o maglisod sa pagdawat niini. Makapa-usab kini sa dagan sa atong kinabuhi ug labi na sa atong mga plano sa umaabot. Ang mga hagit sa kinabuhi nagalakip sa physical (kung masakit ka), mental (kung mabuang ka heheheh di bitaw, depression could be a mental problem), mga isyu kabahin sa pamilya, mga isyu kabahin sa kaminyu-on ug ang yugto diin ikaw nagpa-alim pa sa samad sa imong dughan (challenging sab kaayo ni). Kita tanan nakahimamat gyud ug lain lain nga mga hagit sa kinabuhi nga maoy hinungdan sa atong kagul-anan. Pero ingun sila ang kinabuhi nga wlay mga hagit hanap o lubad (it lacks taste, it doesn't have color, it is close to death). Unsahay mapildi kita sa mga hagit sa kinabuhi ug maoy hinungdan nga kita mag-antus apan unsahay sab kita magmadaugon sa pag-atubang niini, ug sa atong mga kasinatian kita nakat-on ug ni tubo. Kasagaran sa mga challenges sa atong life are beyond our control. Maglisud ta ug likay niini mao kung pananglit grabe kaayo kapait ang atong gisagubang karon (sama kapait sa ampalaya) ato nalang usbon ang atong pag-tanaw niini (sama sa paghimo namong fruit salad sa ampalaya). We better try to optimistically view our challenges us helpful to our growth us a person (sama sa ka beneficial sa ampalaya sa among health). Sa kadugayan mawala ra ang atong bug-at kaayo nga problema (sama sa pagkamatay sa paliya namo). Ug kon pananglit aduna na usay laing bagyo sa kinabuhi aw dili nakita mahadlok o malisang mo atubang niini kai naanad naman kita. (sama sa among pagka-anad ug kaon sa ampalaya).

"The struggle to survive with life's challenges is an ongoing adventure towards growth and fulfillment, out from those challenges we learn many things, and from our learnings we are able to effectively serve and love others” - Soul Journey-