Tuesday, August 7, 2007

WLA MI BUGAS

Kagahapon ni text akong igsoon na wla na daw mi bugas. Wala na daw malung-ag. Unya ni text pa gyud nga padulong nako sa akong klase. Mao to nga pagkahuman nako sa akong klase nagdali dali dayon ko ug adto sa emall aron mo palit ug bugas. Nagtaxi pa jud ko kai aron madali ug uli kai naghuna huna man ko na gigutom na jud ang akong mga igsoon. Alas otso nako sa gabi-i naabot ug nag dali dali dayon ug lung-ag akong pagumangkon. Pastilan murag naka batyag ko nga nag krisis man mi sa amoa. Nagkrisis kung kinsang responsibilided ang pagpalit sa bugas. Ang ako intawn mga igsoon nga lalake dili bya mabuhi nga wlay kaon kaon pwera nalang namong mga babaye nga pwede lang di mo kaon. Kaming tulo ka babaye permi lang mi mahabilin sa balay sa una basta akong amahan mo uli sa bukid. Bilinan lang mi ug mga linata, noodles, buwad ug gatas para among konsomo matag Sabado ug Dominggo. Akong edad ato 9 anyos, akong magulang 10 anyos ug akong manghod babaye 7 anyos. Para nako mas responsable mi ni adtong gamay pa mi kaysa karon na dagko nami. Magbutang jud mi listahan sa among mga buhatonon, si ate manglimpyo, ako mag-lung-ad ako igsoon kinamanghuran runner tig dagan sa tindahan palit pan, mantika or itlog. Lisod man kaayo among kahimtang sa una itandi karon, magsag-ob mi ug tubig sa puso usa usa mi ug balde sa akong magulang unya usa ka galon sa akong manghod. Pun-on jud namo ang barrel na gamay, dunggan mi panglaba. Dayong mahuman nami magdula dayon mi ug "teacher teacher" "jackstone" "tago-tago" ug magbasa dayon mi sa among mga libro. Wala mi tv ug ref, ang naa sa among balay lingkuranan ra jud nga kahoy ug radyo nga gamay aron makapaminaw mi ug balita. Ingun ana ka yano ang among kinabuhi ug akong ikapasigarbo nga sa akong pagkabata nakat-on ko ug mga dagkong responsibilidad. Unsahay iladon ra mi sa mga manunuroy ug floorwax ingnun lang mi ug kisa pangalan sa among amahan ilista dayon sa papel. papirmahon mi, dayon hatag ang floorwax. dayon naa na utang akon amahan ug floorwax unya kai kada paningil wla man akong mama ug papa kasab-an mi na timing bitaw nga naa akong papa nakasab-an lagi ang tigpaningil sa akong papa. Ila unta bawi-on ang floorwax unya kai amo naman gigamit. Ingun ana mi ka inocente apan sa among ka inocente kahibalo na mi sa mga bulohaton namo isip mga estudyante ur isip mga anak.

Apan karon murag nawagtang ang mga mithi nga arang gyud unta nakong ikapasigarbo. Gipanghinaut nako nga kato mabuhi ug mapadayon bisan unsa ang kahimtang sa akong pagpuyo. Mas anindot ang kagahapon .................tam-is kini nga palandungon.

1 comment:

JGG said...

bitaw, tam-is nga ibalik-lantan ang kagahapon...

btw: kasalbahis pod sa manindahay ug floorwax sa? naa jud siya strategy..