ANDREW

Si Andrew taga Cavite unya aduna siya hinigugma nga nahimamat niya pinaagi sa chat. Ang iyang hinigugma taga Talisay Cebu. Magsige lang daw sila ug text text, chat chat aron maka estorya permi. Hangtod nga nagkakita sila sa personal maka usa ka higayon didto sa Manila. Nagplano sila nga magpakasal mao nga ni ari sa Talisay si Andrew nga nagdala sa ilang wedding ring. Apan sa dihang niabot na siya dire sa siyudad sa Talisay wla na siya tungaha sa maong hinigugma, wla na kini nagpakita ka niya. Mao nga nahurot nalang iyang kwarta dire ug pinaabot kon kanus-a mo patim-aw kaniya ang iyang hinigugma. Ug sa iyang ka disperado ug kaguol siya nalisu-an sa pangisip ug may nalang gani nga may mga tawo nga misagop kaniya. Ug karon pinaagi sa sibya sa radyo kabahin sa iyang kahimtang dire nahibaw-an sa iyang ginikanan didto sa Cavite ang nahitabo niya ug gikuha siya sa iyang amahan dire sa Sugbo.

Kon ang pagbati na ang yama yama-an kuyaw d-i kaayo ang impact sa psychological make up sa usa ka tawo. Mao nga dili jud maayo nga magbinuang binuang o mag duwa duwa lang sa usa ka relasyon. Ug labaw nang dili maayo nga pataka nalang ug dasmag ug usa ka tawo nga wala masinati pag-ayo ang kina-iya. Pero ingun sila nga kon mahigugma man gud ang usa ka tawo ang hugot nga pagsalig ug pagbati nalang ang mamahimong sentro sa usa ka relasyon ug ibaliwala nalang ang uban butang nga importante gyud unta nga mahibaw-an sa usa ka tawo.

Dili hunuon ko experto kabahin sa mga relasyon ug posible gani nga masugamak sab ko sa kahalautan (hinaut dili sab jud intawn) apan ang dakung responsibilidad naa sa atong mga kamot aron kita magmalipayon sa atong kinabuhi.